Los concursos escolares pa la Selmana de la Lletres Asturianes tienen plazu nuevu pa la entrega de los trabayos

|
Cartelu XLI Selmana de les Lletres Asturianes Educastur

El profesoráu de Llingua Asturiana y Gallego-asturiano yá conoz el plazu nuevu pa la entrega de trabayos pa los concursos escolares qu’entama’l Gobiernu pola Selmana de les Lletres Asturianes tres el so aplazamientu pola crisis sanitaria. El día caberu d’entrega ye’l 11 de setiembre y l’actu pol Día de les Lletres, el 2 d’ochobre.

El 19 y el 27 de marzu taben afitaes como les feches llende pa presentar les creaciones pa participar nos concursos que s’entamen pa les escueles del país tolos años de cara a la Selmana de les Lletres. Por mor de la entrada del estáu d’alarma por cuenta de la COVID-19, qu’obligó tamién a aplazar la XLI Selmana de les Lletres Asturianes del 28 de setiembre al 2 d’ochobre, nun pudieron cumplise dichos plazos.

La fecha nueva pa la entrega de trabayos nos cuatro certámenes pasa a ser agora’l 11 de setiembre, mentes que l'actu escolar institucional pol Día de les Lletres Asturianes, nel que s'entreguen los premios a los ganadores, va ser el 2 d’ochobre, día escoyíu pola Academia de la Llingua Asturiana xunto col Gobiernu. Esti añu convocáronse’l XVII Certame de Cartelismu, el XXV Certame de Creación Artística/Lliteraria, el IX Certame de Creación Audiovisual y el VII Certame de Teatru Escolar.

Contador Estadistiques