Los conciertos del vienres rescamplen n’axenda d’ociu

L'actuación del arpista francés Frédéric Bougouin-Kramer nel Centru de Cultura Antiguu Institutu esti vienres a les 20:00 h como introducción al taller sobre esti instrumentu que va desarrollase a lo llargo del fin de selmana ye una de les actividaes de la nuestra Axenda d'ociu. Xunto con ella rescampla tyamién pal vienres l'actuación de Jonathan Richman
(Sala Acapulco 24:00 h Xixón) tou un clásicu de la música norteamericana moderna y fundador del grupu The Modern Lovers. El ska de Skalariak, que celebra los sos diez años de trayectoria na sala Albéniz de Xixón a les 21:30 h completa l'axenda d'esti vienres.

D'otra manera, siguen abiertes en Xixón la esposición "Transformaciones. La España de los años veinte en los Archivos Fotográficos de Telefónica" qu'enseña na sala 2 del Centru de Cultura Antiguu Institutu Xovellanos los cambios sociolóxicos y tecnolóxicos rellacionaos cola llegada del teléfonu a Asturies., mientres que n'Uviéu pue vese la muestra "Pintura catalana. Del naturalismo al noucentisme" (Sala d'esposiciones del Banco Herrero) con 36 obres de 21 artistes de la colección de la baronesa Thyssen-Bornemisza que permiten un averamientu panorámicu al arte catalán dende mediaos del sieglu XIX hasta primeros del XX.