Los clones lleguen a Asturies

Una sola película acapara la cartelera d'estrenes nos cines asturianos esta selmana. La esperadísima nueva entrega de la saga de La Guerra de les Galaxies llega convertía nun fenómenu social que tresciende les llendes del cine, asina qu'a los miles d'asturianos y asturianes que dirán a vela seguramente-yos importe poco si la película ye buena o si ye un callu. Amás de la páxina oficial y de los otros munchos webs qu'hai espardíos pel mundu (una curiosidá,la entrada "Star wars" da 1.790.000 rempuestes nel Google), la rede asturiana aporta una curiosa páxina propies al fenómenu. "Star wars crónicas" un web personal pero con traza de páxina oficial calteníu pol periodista asturianu "Darth" Fruela.Sicasí, tampoco nun podemos dexar d'anunciar toa una rareza rellacionada col mundu de Star Wars. Ello ye que dalgún aficionáu con muncha paciencia tuvo vagar en facer esta animación con caracteres ASCII que resume la primer película de la serie. Paga la pena velo