Los casos de covid empiecen a baxar nos últimos tres díes

Salú confirma 1182 casos y 7 finaos.

La Conseyería de Salú dio anuncia de 1.182 casos nuevos de coronavirus detectaos ente'l vienres y el domingu. Anque la cifra baxa, hai que tener en cuenta que nun tan incluyíos los datos del llunes, como se ficiera nes selmanes pasaes. D’estos casos, contáronse el vienres 558, el sábadu 384, y el domingu 240 contaxos.

Dende’l vienres finaron 7 persones por mor del andanciu, 5 muyeres y 2 homes, con edaes ente los 55 y los 95 años. Anguaño, hai 129 pacientes ingresaos en planta hospitalaria con confirmación o sospecha de covid y 11 na UCI, al respeutive, fae que la ocupación se caltenga nel 3,98% y nel 3,86%.

Nesta comunicación, la Conseyería nun precisa’l nivel de riesgu, que la selmana pasada taba en 2 de 4, anque’l sistema de cálculu diba a cambiar dende’l día d’ayeri y pasar a una escala de 5 niveles d’alerta. Asina lo recoyía la Estrategia de Vigilancia y Control frente a Covid-19 del Ministeriu de Salú. Y que tamién conseña cambios nes cuarentenes y nes pruebes diaganóstiques pa los enfermos leves, pa centrase nos grupos vulnerables: persones mayores de 60 años, inmunodeprimíes y muyeres embarazaes.