Los cantares y poemes de Leonard Cohen van sonar esti xueves na Universidá d’Uviéu

Dellos artistes van homenaxear esti xueves a Leonard Cohen interpretando los sos cantares o recitando les sos poesíes. Los dos actos van desarrollase na Universidá, nel Paraninfu y nel campus del Milán, de manera respeutiva.
 
conciertu, nel que van participar artistes como Nacho Vegas, Mar Álvarez,  Xabel Vegas, Montse Álvarez, Roberto Nicieza, José Luis García, Fany Álvarez, Fernando Marín, Igor Paskual, Alicia Álvarez, Chus Neira y David Guardado, va principiar a les 21.30 hores nel Paraninfu de la Universidá d’Uviéu. 'First we take Milán' ye’l títulu d’esti espectáculu nel qu’artistes que formen o formaron parte de grupos que revolucionaron la escena de los 90 –munchos d’ellos baxo la etiqueta de ‘Xixón Sound– como Manta Ray, Nosoträsh, Australian Blonde, Undershakers, Stormy Mondays, Babylon Chat, Pauline en la Playa o Elle Belga, ente otros, van interpretar temes de Cohen.
                 
Otra manera, el salón d’actos del campus d’Humanidaes, el  Milán, va ser sede a partir de les 11 hores de ‘Viajar a ciegas’, un recital n’homenaxe al de Montreal, presente n’Asturies pa recoyer el Premio Príncipe de Asturias de las Letras. Nél van participar Niall Binns, poeta y ensayista inglés, de pas escoceses, profesor de Filoloxía na Universidad Complutense; y l’uviedín Fernando Beltrán, poeta, profesor del Instituto Europeo de Diseño y fundador del estudiu creativu El Nombre de las Cosas y del Aula de las Metáforas.