Los candidatos d’IX d’Asturies y Castiella y Lleón demanden infraestructures comunes pa les dos comunidaes

El candidatu d'IX-BA-Verdes a la presidencia d'Asturies Jesús Iglesias, tuvo ayeri un alcuentru col candidatu pola so formación política a la presidencia de Castiella y Lleón
José María González. Na entrevista, los dos candidatos coincidieron na esixencia d'asuntos y reivindicaciones comunes a les dos autonomíes. La construcción de la llinia d'alta velocidá de ferrocarril ente Madrid y Asturies, la supresión del portalgu del Güerna y la voluntá conxunta de los dos candidatos pa definir los conteníos del nivel de protección del Parque Nacional de Picos d'Europa y los usos autorizaos o non nes trés comunidaes qu'abarca acapararon la reunión.

D'esta miente, tocante a la llegada del AVE, dambos candidatos rescamplaron los "retrasos inasumibles" de la infraestructura, y comentaron, no tocante al parque natural, como mientres n'Asturies se prohibe la caza y la pesca dientro del Parque, estes actividaes permítense na comunidá vecina. Dambos candidatos tuvieron d'alcuerdu n'oponese a la construcción d'una estación d'equí que suponga l'ampliación de l'actual San Glorio, na llende ente Lleón y Cantabria, polos efectos que podría tener na zona asturiana.