Los bretones Sylvain Barou y Jacky Molard van tar na XXXVI Noite Celta de Porcía
|
7 Agostu, 2019 por Pablo R. Guardado
- Inicie sesión o rexístrese pa espublizar comentarios
La decana de les nueches celtes del país yá conoz cartelu. El día 31 l’alameda de Porcía va acoyer per trentenu sestu añu siguíu la Noite Celta, qu’esta edición destaca pola presencia de los bretones Sylvain Barou y Jacky Molard, acompañaos por L-R nel escenariu.
El flautista y el violinista son dos de los músicos más importantes de la escena atlántica y van tar en Porcía nesta nueche tan especial pa los amantes del folk. Na so visita a Asturies los dos músicos van tocar acompañaos de Rubén Bada y Leticia Baselgas, con pieces propies y otres amestaes coles de L-R, lo que convierte esti conciertu nun eventu únicu.
La cantante Anabel Santiago y los andaluces Stolen Notes, formación que fai música de raigañu irlandés, van completar el cartelu de la Noite Celta. Amás, esta xornada festival va servir tamién de presentación oficial de la Banda de Gaitas Xentidumbre.
Efrén d'Andrés
