Los bailles tomen la Plaza Mayor de Xixón

|
Asociación de Folclore Azabache

Comienza'l Festival Folclóricu Internacional de Xixón cola participación d'una decena de formaciones d'Asturies, México, Colombia, India o Chipre, ente otros llugares.

Aitor García Corte va encargase un añu más de la presentación del certame folclóricu, qu’enllena de danza y color l’escenariu de la Plaza Mayor de Xixón. Na primer xornada, esta nueche dende les 22 hores, van tomar parte los xixoneses Asociación de Folclore Azabache y Coros y Danzas Flor de Xaranzaina y les formaciones Grupo de Danzas Folclóricas Carmen López de la Universidad del Valle (Santiago de Cali, Colombia), Ballet Ara (Comunidad de Madrid), Ballet Folclórico Universidad de Colima (México) y Coros y Danzas Virgen de las Huertas de Lorca (Región de Murcia).

Mañana, mentes, tamién a les 22 hores, van baillar los xixoneses Grupo Folklórico El Xolgoriu y Grupo Folklórico Trebeyu, y Rangsagar Performing Arts (India) y Inonu Culture and Sport Association Folk Dance (Chipre). Van repetir actuación los colombianos Grupo de Danzas Folclóricas Carmen López de la Universidad del Valle y los mexicanos Ballet Folclórico Universidad de Colima.

Na semeya, Azabache nún de los sos talleres de baille en Begoña.

Contador Estadistiques