Los avances en máquines moleculares merecieron el Nobel de Química

El francés Jean-Pierre Sauvage, l'escocés James Fraser Stoddart y l'holandés Bernard Lucas Feringa comparten el premiu que falla la Kungliga Vetenskapsakademien.

Nel acta del xuráu de la Real Academia de les Ciencies de Suecia destaquen l'aportación de los trés investigadores al “diseñu y producción de máquines moleculares”, siendo quienes a desendolcar molécules con movimientos que se pueden controlar y que pueden executar tarees específiques cuando se-yos aporta enerxía. Al igual que na historia de la computación foi esencial la miniaturización de los sos componentes, los trés premios Nobel nuevos tamién llograron miniaturizar les sos máquines moleculares, llevando a la química a una dimensión nueva.

El primer paso hacia una máquina molecular diolu nel 1983 Sauvage, cuando venceyó dos molécules en forma d'aniellu pa formar una cadena llamada catenano. Les molécules xúnense normalmente por enllaces covalentes fuertes nos que los átomos comparten electrones, pero nesti casu xuniéronse por enllaces más llibres. Pa qu'una máquina pueda realizar una tarea ha de constar de partes que se pueden mover unes respeuto a les otres. Los dos aniellos entrellazaos cumplen con esti requisitu.

Nel 1991 avanzóse un pasu nuevu cuando Stoddart desarrolló un rotaxanu. El químicu enroscó un aniello molecular sobre un exe diminutu, tamién molecular, y demostró que l'aniellu yera quien a movese por él. Ente los sos desarrollos basaos ​​en rotaxanos figura un ascensor molecular, un músculu molecular y un chip d'ordenador basáu nesta molécula.

Pela so parte, Feringa convirtióse na primer persona que desarrolló un motor molecular. Foi nel 1999, cuando consiguió una pala de rotor molecular que xira constantemente na mesma direición. Con esti tipu de motores moleculares llogró xirar un cilindru de vidru con un tamañu diez mil veces más grande que'l propiu motor, amás de diseñar un nanocoche.

Según los espertos, les máquines moleculares probablemente s'utilizarán nel desendolcu de materiales nuevos, sensores y sistemes d'almacenamientu d'enerxía novedosos.

Na semeya, Feringa, Stoddart y Sauvage.

Fonte: Agencia SINC.