Los ástures tornen a Carabanzo, anque ensin batalla colos romanos

|
Cartelu XIII Festival Astur

Tres un añu de parón entámase otra vuelta'l festival, que se contrayi nuna sola xornada.

Baxo'l nome de XIII Festival Astur torna celebrase la gran fiesta de recreación histórica de Carabanzo, anque nesta ocasión ensin romanos. Al menos por esti añu, nel que asociaciones del pueblu y del conciyu, amás del propiu ayuntamientu, fixeron un esfuerciu pa nun allargar l'ausencia del certame y condenar al mesmu al desaniciu.

El resultáu ye una folixa d'un día y centrada nos ástures que guarda la esencia de la orixinal. Dende les 11 hores de mañana va haber actividá en Carabanzo, qu'a lo llargo del día convertise nun pobláu ástur previu a la romanización p'acoyer un mercáu, una boda ástur, xuegos, lleendes de la tribu y dances, ente otres actividaes.

Nueche de Druides

A les 22.30 hores va comenzar la Nueche de Druides, con ufriendes a Belenos y conciertos. Sobre l'escenariu van actuar Chus Pedro; Spanta la Xente, que se va facer acompañar de la Banda Gaites Güestia; y La Tarrancha.

AdxuntuTamañu
Image icon Programa XIII Festival Astur79.75 KB
Contador Estadistiques