Los aptos del B2 d'asturianu yá pueden retirar el certificáu de superación n'Uviéu

Tán disponibles na secretaría del IES Aramo.

Dende esta mañana les persones que superaran la prueba de certificación d'asturianu adaptada al Marcu Común Européu de Referencia pa les Llingües, de nivel intermediu B2, la primera oficial que se celebraba adaptada al marcu européu, yá pueden recoyer los sos títulos. Éstos tán na secretaría del IES Aramo, onde se celebraron los esámenes orales.

L'horariu afitáu ye de llunes a vienres de 9 a 14 hores, tando acutaos los primeros díes, hasta'l llunes, pa los que pasaren les pruebes pela Comisión 1, y el martes y el miércoles pa los de la 2. Dende secretaría del centru informen que nun ye necesario cita previa nin tampoco acudir de manera específica estos díes, pudiendo dir a recoyer el certificáu de superación en feches posteriores daes les restricciones de movilidá coles que cuenta Uviéu pola pandemia de COVID-19, en zarru perimetral hasta'l día 18.

Na semeya, una de les aules de la Facultá de Formación del Profesoráu y Educación de la Universidá d’Uviéu habilitaes pa la prueba escrita.