Los americanos, controlaos pola TIA

Anque'l titular llame a engañu, l'axencia d'información pa la que trabayaben Mortadelo y Filemón tien poco que ver cola que ta cociéndose nos Estaos Uníos d'América. Ello ye que'l gabinete Bush ta acabante d'echar a andar otru de los sos descomanaos proyectos de control de les comunicaciones pela rede. Suena a conspiración, o a película d'espíes, pero según diz nesti artículu el Total Information Awareness (TIA) va ser capaz de copiar y lleer tolos e-mails que quiera y d'esbillalos pa dar colo que se tea buscando. Too ello pa controlar a más de 300 millones de ciudadanos y tamién a los turistes que pasen pel país. El presupuestu ye de 40.000 millones d'euros, y, al frente d'ello ta John Poindexter, un militar retiráu d'apavoriante historial