"Los años eléctricos" un repás a la historia del rock asturianu

Esti miércoles 31 de mayu preséntase n’Uviéu'l documental “los años eléctricos” una cinta ellaborada pol periodista y músicu Chus Neira y el director José Braña que fai un repás a la historia del pop y el rock n’Asturies dende los años setenta pa contra acá, pasando per ella la evolución de grupos como Stukas, Los Locos o Ilegales o a movimientos como’l Xixón Sound, anque ensin escaecer el papel que tuvieron nesti viaxe musical productores y críticos, ente otros oficios venceyaos a la música. La cinta, de cerca de dos hores de duración, va emitise pela TV autonómica francida n’episodios de media hora, pero esta tarde va poder esfrutase en primicia nel Teatru Filarmónica dende les 8:15 de la tarde col añadíu de poder sentir en directo a Kactus Jack, una de les bandes más importantes del Xixón Sound de primeros de los 90 y que llevaba años ensin dar un conciertu.