Lorena Corripio y Celestino Rozada ganaron el II Cuenca del Nalón

El concursu de canción asturiana celebróse mientres los meses de mayu y xunu.

Lorena Corripio y Celestino Rozada relevaron a Liliana Castañón y Carlos Velasco como vencedores de Concursu de Canción Asturiana Cuenca del Nalón, qu'entama la productora A Mansalva cola collaboración del Conceyu de Llaviana y l'Asociación Cultural Trazaraíces. La edición destacó pol ésitu de públicu en toles sesiones del eventu, que vivía la so segunda edición.

Los ganadores llevaron un premiu de 500 euros caún, mientres que los siguientes clasificaos recibieron 350, 200, 100, 50 y 30 euros. Éstos foron Cristina Sánchez, Luisi Martínez, Patricia Pariente, Maribel González y Ángeles Quero, na estaya femenina, y Carlos Velasco, Esteban Verdeja, José García, José Tronco y Sergio Menéndez, na masculina.