Londres quixo llimpiar l'Ulster

La llei inglesa manda que los documentos secretos se desclasifiquen en pasando trenta años, colo que los papeles d'estáu que llevaben guardaos dende 1.972 tan acabante de ver la primer lluz d'esti 2.003 recién empezáu. 1.972 ye un añu marcáu na historia pola matanza del domingu sangrientu nel Ulster, cuando l'exércitu inglés disparó sobre los manifestantes católicos matando a trece persones, y esperábase que l'apertura de los documentos d'esi añu aportare daqué de lluz sobre la matanza, pero colo que nun se contaba yera con qu'apareciere ná menos qu'un plan pa la llimpieza étnica de la rexón cola firma del mesmu primer ministru inglés, el conservador Edward Heath. Les portaes de tola prensa inglesa y irlandesa tan güei dedicaes a esti plan, que proponía cambiar de residencia a 500.000 persones (un terciu de la población). Más información na canal norirlandesa de la BBC y nos periódicos irlandeses Belfast Telegraph y Irish Times y nos inglesos Independent y Guardian

Contador Estadistiques