L'octavu Versovera va contar cola participación de cinco autores y una actuación d'Ún de Grao

L'eventu qu'entama Corvera con motivu de la Selmana de les Lletres Asturianes amuesa la pluralidá d'estilos y temátiques de la nuesa lliteratura, amestando veteranía y mocedá.

Esta tarde, a les 18 hores, el Teatru El Llar de Les Vegues acueye una edición nueva, la octava, de Versovera. Nesta ocasión van recitar Ángeles Carbajal, María F. Abril, Daniel G. Granda, Gonzalo Llamedo y Berto García.

Amás de los sos versos, el públicu va poder sentir los cantares d'Ún de Grao, el nome col que se presenta'l músicu y cantante d'asturianada José Martínez. La entrada pa esta cita ye de baldre hasta completar aforu.

Na semeya, el corveranu García, que va tar tamién presente güei, prepárase pa recitar na edición del añu pasáu.