Lo pior del cine

Xunta los óscar, diéronse tamién ayeri los premios a les piores películes del añu. Mariah Carey y'l so filme Glitter lleváronlo de cai nesta 22 edición de los Golden Raspberry Awards, que a lo llargo la so historia vienen "premiando" el llabor de xente como Bo Derek, Sylvester Stallone o Brooke Shields. Lo simpático ye qu'esta vez ún de los agraciaos colos antipremios del cine vieno a recoyer el galardón. Trátase de Tom Green, responsable de "Freddy got Fingered", considerada una de les películes más males de tola historia del cine. Talmente paez que Green quixo aprovechar la propaganda que dan los "razzies" pa esplotar la so imaxe de cómicu chabacanu. Los ganadores nun lo tuvieron fácil, porque competíen colos callos más grandes del añu, ente los qu'hai que remembrar "Pearl Harbor" o "El planeta de los simios" que llevó'l premiu al remake más ramplón.

Contador Estadistiques