Lo nuevo nel buscador asturianu

La selmana diose bien pal buscador de webs asturianes úlos?, que rexistró estos díes una bayura d'altes de los temes y procedencies más estremaos. Coles elecciones en doblando la esquina, nun nos queda más remediu que dar primero les entraes na estaya de política, col web de l'agrupación del PP en Mieres de novedá absoluta. Con too y con ello, les más de les altes vienen n'otros campos d'interés, como en cultura cola páxina del Muséu Etnográficu de Porrua o la del Palaciu de Moutas, edificiu emblemáticu del conceyu de Pravia que se dedica agora tamién a usos hosteleros.Pa dar d'alta un web nel Úlos? namás hai que rellenar esti formulariu. Nun s'enxertarán al buscador webs que nun tengan una rellación clara con Asturies.