Lo nuevo del Úlos?

El buscador de webs asturianes úlos? presenta, como tolos vienres, les webs nueves de la selmana. Empreses dedicaes a los negocios más estremaos, con abondante presencia del turismu rural, música y webs personales, les más d''elles sobre pueblos y parroquies, faen el tacáu de novedaes d'esta segunda selmana de setiembre. Ente les primeres, la Pastelería Casino de Curniana o la empresa llangreana de túneles y impermeabilizaciones Codiv. De los negocios de turismu rural, esta selmana recomendamos la visita a los webs de La casona de Terienzu, en Villaviciosa o de l'Arcellada, en Santu Adrianu. Puntu y aparte merez el web tan curiosu de l'Asociación de vecinos de Castiello, en Xixón, que ye la meyor fecha d'una riestra de webs vecinales qu'entraron esta selmana y ente les que vamos citar tamién l'Asociacion de vecinos Ríu Nalón de San Xuan de l'Arena. Pa dar d'alta un web nel Úlos? namás hai que rellenar esti formulariu. Nun s'enxertarán al buscador webs que nun tengan una rellación clara con Asturies.