Llucía Fernández ganó'l concursu de cuentos de Cangas

L'Ayuntamientu de Cangas de Narcea asoleyó la otra selmana'l resultáu del II concursu de rellatos en llingua asturiana, nel que'l xuráu presidíu por Roberto González Quevedo dio-y el premiu a la obra "Aida, neña escaecida" de la escritora de Xixón Llucía Fernández Marqués. L'autora, que va recibir los 600 euros del primer premiu, yá tien espublizaos el llibru de cuentos infantiles Grandelina y el volume de rellatos Boravenos. En segundu lugar quedó la obra "D'arriba p'abaxu", de la madrileña d'orixe cangués Remedios Menéndez Calvo (1975) mientres qu'Ezequiel Cala (Xixón 1976) quedó terceru col rellatu "Payares"

El xuráu quixo sorrayar que pal añu qu'entra, la tercer edición del concursu va tener un premiu específicu pa rellatos escritos n'asturianu occidental, variante en que se presentaron los rellatos que quedaron en segundu y tercer llugar y que'l conceyu quier potenciar

L'aria de cultura del Ayuntamientu de Cangas dio anuncia tamién de que, xunta'l cursu d'aniciu d'asturianu que se da tolos años y qu'anguaño tien cerca de venti alumnos, pal añu qu'entra tamién se dea un cursu d'afondamientu