#LluchandoPolaSoberanía entama un conceyu abiertu en La Llegra

|

A les 19.30 hores d'esti xueves pa valorar la convocatoria del Día de la Nación Asturiana y siguir avanzando nos oxetivos de la iniciativa.

Una selmana depués del 8 de setiembre, #LluchandoPolaSoberanía entama un conceyu abiertu nel uviedín Llar La Llegra afalando a la participación de tola ciudadanía. "Paeznos que ye momentu de valorar, facer analís de los aciertos y erros nel procesu organizativu, asina como'l camín a siguir d'equí p'alantre", espliquen los sos cabezaleros.

La intención d'esta iniciativa ye avanzar nel desendolcu d'una axenda propia p'Asturies centrándose en trés exes: axuntar fuercies dende la izquierda, construyir alternatives soberanistes y caleyar hacia un Procesu Constituyente Asturianu.

Contador Estadistiques