Llorgozana acueye'l tercer conciertu de música barroca

El Programa Cultural Antón de Marirreguera aporta a la parroquia onde nació'l poeta.

El tercer conciertu de 'Sones del barrocu: la música qu'amó Antón de Marirreguera' lleva'l nome de 'Templando tañedores' y va tar protagonizado pola orquesta de guitarres de la Escuela Municipal de Música Miguel Barrosa baxo la direición de la maestra Noemí González. Enantes, esta entidá con sede nel propiu conceyu ufriera conciertos de voces y de flautes en Quimarán y Albandi, de manera respeutiva.

Tres la cita d'esti xueves en la ilesia de Santa María la Real de Llogorzana, con comienzu previstu pa les 19.30 hores, va zarrase'l ciclu'l día 27 con una actuación nueva en Candás, na antigua fábrica d'Ortiz. Esi mesmu día tamién va celebrase un actu na parroquia de nacencia d'Antón de Marirreguera, el 'Alba poética de les Lletres Asturianes', que va servir p'abrir de manera oficial de la XXXIX Selmana de les Lletres Asturianes y que ta incluyíu ente les actividaes del 'Programa Cultural Antón de Marirreguera, Carreño ñeru de la pluma n'asturianu'.