Llocalizáu'l montañeru inglés que desapaeciera en Picos d'Europa

UVIÉU, 8 d'Agostu (EUROPA PRESS) El Grupu de Rescate de Bomberos d'Asturies a bordu del Helicópteru Medicalizado de Bomberos d'Asturies ta atendiendo al montañeru inglés desapaecíu dende'l sábadu en Picos d'Europa. L'home apaeció na canal de Sahugo, na parte alta de la Ruta del Cares, con un torniquete nuna pierna. Foi un trabayador de la empresa Tragsa el que llamó a les 10.57 hores el Centru de Coordinación d'Emerxencies del 112-Asturies pa informar que s'alcontrara con una persona que llevaba un torniquete nuna pierna na citada zona. A les 12.04 hores, el pilotu del Helicópteru informó que l'home mancáu yera'l montañeru inglés desapaecíu en Picos. Al afectáu tán treslladándolu al Hospital de Les Arriondes.