Llocalicen dos casos n'Avilés de la cepa inglesa

Pertenecen a un biltu intrafamiliar, que se podría ampliar a dos positivos más.

La Conseyería de Salú confirmó dos casos de COVID-19 detectaos n'Avilés producíos pola cepa nueva de coronavirus SARS-CoV-2 descubierta nel sudeste d'Inglaterra. El personal del Serviciu de Vixilancia Epidemiolóxica ta trabayando nestos momentos na investigación y rastrexu d'estos casos, informó'l conseyero de Salú, Pablo Ignacio Fernández Muñiz nel axuntamientu del Comité de Crisis de COVID-19 n'Asturies.

Les personas procedentes de Reinu Xuníu, sobre manera de la zona orixe d'esta variante nueva, dende'l 8 d'avientu tán llamaes a participar nun cribáu, que se va caltener activu a lo llargo de les Navidaes. Dende hai un mes l'Estáu esixe a tolos viaxeros dende zones con una incidencia acumulada a 14 díes superior a 150 una PCR negativa pa la entrada vía aérea o marítima.

Na semeya, Fernández Muñiz.