Llinu Álvarez defende la propuesta de la Xunta de Toponimia pa Siero

El procesu pa la recuperación alministrativa de la toponimia del conceyu de Siero ta resultando ún de los más polémicos desque entamaren los llabores de la Xunta Asesora de Toponimia na presente llexislatura. Entidaes como l'Academia de la Llingua o l'Asociación de Vecinos de la Fresneda protestaron poles formes toponímiques propuestes pola Xunta Asesora de Toponimia. Énte estes crítiques, Llinu Álvarez Santidrian, ún de los miembros del equipu d'investigación de campu que redactó l'informe pa la recuperación de la toponima tradicional de Siero, presenta esta tribuna na que respuende a les crítiques que se fexeron dende estremaos estamentos a la propuesta de la Xunta Asesora y defende la so independencia de criteriu y métodu de trabayu.