Llingua Asturiana, Señor Conseyeru

La sección Bilordios Filolóxicos, que toles selmanes prepara Ramón d'Andrés, dexa aparte nesta edición el so calter divulgador y formativu en cuestiones de llingua asturiana pa convertise nun escritu, cásique personal, dirixíu a la persona del Conseyeru de Cultura. Baxo'l títulu "Llingua Asturiana, Señor Conseyeru" el profesor y académicu fai unes detallaes considerances sobre la propiedá de la espresión "llingua (o lengua) asturiana" pa nomar al nuestru idioma, una denominación que nun-y abulta conveniente al conseyeru y que ye'l noyu d'una polémica que va muncho más lloñe de lo nominalista.