Llibru sobre airófonos nel folclor asturianu

Vtp ta acabante d'espublizar un llibru sobre los instrumentos de
vientu nel folclor asturianu.



Los autores d'esti llibru son José Ángel Llaneza y Daniel
García de la Cuesta, los dos profesores de la escuela de música
tradicional asturiana "La Quintana" de Xixón. Estos dos
autores lleven muncho tiempu trabayando nel ámbitu de
recuperación folclor asturianu dende distintes iniciatives; l'añu
pasáu ya sacaron un llibru dedicáu a la percusión nel
folclor asturianu.



Esta vegada faen un repás a la gran bayura d'instrumentos de
vientu n'Asturies, dende los más conocíos como la gaita o'l
clarinete, hasta dalgunos que tan casi escaecíos, y que los autores
quieren facer porque se conozan. Nel llibru podemos ver como se faen les
xiblates d'añal, la llegada y espardimientu del curdión
diatónicu n'Asturies, como se toquen instrumentos como la xipla, o en
que circunstancies s'usaben determinaos instrumentos. Tamién hai un
capítulu bien interesante sobre la gaita n'Asturies, comparándola
col restu de gaites del mundu, y estudiándola parte por parte.



Esti tipu de llibros garren una gran importancia n'Asturies polo escasez
de bibliografía no que cinca a temes de folclor tradicional. Ye
perimportante qu'haya una serie de materiales pa facer más
amañosa la divulgación de la cultura musical asturiana.