L.lena presentó les sos campañes de normalización del asturianu nel comerciu

El Serviciu de Normalización de L.lena presentó esti llunes les sos campañes de normalización del asturianu nel ámbitu del comerciu. Adaptaes a la variante local de la llingua, les campañes, que cuenten col patrociniu de la Conseyería de Cultura, Comunicación Social y Turismu, presenten dellos tipos de cartelos pa carniceríes y fruteríes con casos prácticos como'l despiece d'un gochu con toles sos partes y cartelos colos nomes n'asturianu d'estremaos tipos de fruta y de verdura.



Estes campañes de normalización del asturianu nel comerciu, que busquen la implicacaión nes mesmes de los propios comerciantes lleven faciéndose de manera estable y periódica nel ámbitu de la rede de normalización nos conceyos dende l'añu 2005, cuando s'estrenó la primera en Xixón. Amás de Siero y Xixón, los servicios de L.lena, llangréu o les mancomunidaes de la sidra y del Cabu Peñes desarrollen tamién campañes coordinaes y empobinaes al ámbitu del comerciu.