Ḷḷena celebra La Flor

|
 Ḷḷena celebra La Flor

El barriu La Caleya de La Pola acueye un añu más el Mercáu Tradicional La Flor de Ḷḷena.

Más de 50 artesanos van participar nesta decimosegunda edición de mercáu entamáu pola Xunta Cultural Rebelgu, que se va desendolcar mañana y el domingu. La Caleya va tener actividá pel día, pero tamién pela nueche, colos yá tradicionales conciertos qu'atraen a una gran cantidá de xente a La Pola.

Nesta ocasión, nel día grande, esto ye mañana, van actuar La Tarrancha, Vrienden y Cambalúa, nun cambiu d'hora última. Mentes, el domingu va tocar La Bandina'l Bache.

La 'jira', el llunes

El Conciyu Ḷḷena entama un destacáu programa de festexos pa estos cuatro díes que finen el llunes cola tradicional 'jira' al prau de La Flor. Ente les munches actividaes va haber trés verbenes coles orquestes Dúo Fusión y Waykas (güei), Ángel América y Cañón (mañana), y Carli y sus Teclados y Vivian's (domingu).

 

Contador Estadistiques