Los llectores d'Asturies.com ven el pautu ente Podemos y IX como positivu pa les dos formaciones

Un 51 por cientu de los usuarios que participaron nel nuesu 'Conceyu Abiertu' considera que'l pautu Xuníos Podemos favorez tanto a Podemos como a Izquierda Xunida (IX). Dambes organizaciones van acudir xuntes a les eleiciones estatales del 26-X.

La entruga que formulamos nesta ocasión yera '¿Quién gana más n'Asturies cola coalición Unidos Podemos?', siendo la opción más votada 'Los dos van salir beneficiaos', con un 51 por cientu. Mentes, un 27 por cientu considera que Podemos yera'l que más réditu diba a sacar de la coalición, na que tamién participa EQUO y n'Asturies IAS y Compromisu, y un 10 por cientu apuntaba a IX. Por último, un 12 por cientu cree que l'alcuerdu va resulta perxudicial pa dambos.

Dende esti momentu yá tenemos abiertu un 'Conceyu Abiertu' nuevu. Nesta ocasión queremos conocer la opinión de los nuesos llectores sobre'l retrasu nuevu que va vivir la variante de Payares tres conocese problemes nel proyeutu del sistema de ventilación y antiincendios de los túneles. L'apertura del tráficu ferroviariu nun llegará enantes del 2018, ocho años más tarde de lo plantagao nel 2003 pol entós ministru Francisco Álvarez-Cascos.