Llastres acueye un cursu básicu d'asturianu

La matrícula ta abierta hasta'l llunes.

El Serviciu de Normalización Llingüística de la 'Comarca la Sidra', en collaboración col Conceyu de Colunga, entama un cursu básicu d'asturianu de 30 hores de llargor, que se va desenvolver dende'l martes hasta'l 20 d'avientu nel Centru Municipal El Piqueru, en Llastres. L'horariu de les clases va ser de 17 a 19 hores, martes y xueves.

Nel cursu abordaránse les normes gramaticales y ortográfiques básiques de la llingua asturiana amás d'aspectos históricos, sociollingüísticos y lliterarios. La inscripción, que ye de baldre dafechu, tará abierta hasta'l llunes y pue facese nel Telecentru y Biblioteca de Llastres (teléfonos 984.11.89.09 y 607.059.888) o na Biblioteca/Área de Cultura de Colunga (985.85.21.54 y 661.604.627), amás de pel corréu electrónicu normastur@lacomarcadelasidra.com.