Llangréu vuelve a la normalidá

El fueu que prendiera'l pasáu vienres nuna cintra tresportadora na planta 10 del Pozu Mineru Maria Luisa de llangréu ta cuasimente matáu y la situación vuelve a la normalidá na cuenca del Nalón dempués de vivise'l vientes una xornada d'emerxencia qu'obligó, por causa de la ñube de fumu entamada pol fueu, a que 750 persones tuvieren que pasar la nueche fuera de les sos cases y qu'otres 34 precisaren d'atención médico especializao.

Pa matar la quema nel interior del pozu les brigaes llevantaron tabiques que cortaren la entrada d'aire

El presidente de Hunosa Juan Ramón García Secades declaró que, a consecuencia del fueu, "el programa de producción del pozu María Luisa va vese comprometíu" polo que van tomase midíes n'otros pozos pa recuperar la normalidá na producción. El directivu d'Hunosa avanzó que va facese una regulación d'empleu a los 480 trabayadores del pozu María Luisa y a los 40 del llavaderu de Modesta que "va intentase que dure lo menos posible".