Llangréu sigue celebrando les lletres asturianes

Los escolinos del conceyu de Llangréu asistieron a la puesta n'escena de la llectura dramatizada El Santu. El grupu Les Filanderes encargóse de facer la dramatización d'esta obra de Pablo Rodríguez Medina pal disfrute de cientos d'escolinos y escolines del conceyu.

El Santu, obra de la que va faces l'estrenu pa tolos públicos el próximu xueves nel teatru de L'Entregu, bebe de les fontes costumistes y reblangando penriba de cualquier tipu de folclorismu tipicista o diglosia llingüística, supón una propuesta qu'abre un nuevu camín de renovación de la escena tradicional del teatru asturianu que l'autor nagua por allugar na modernidá.

Les actividaes de celebración de les lletres asturianes tendrán continuidá el próximu vienres coles dos representaciones de "Cuentos pa Bebés" que va poner Cellero nes escueles de 0-3 años del conceyu (Rapacinos en Sama y Pinín en La Felguera) y rematarán col conciertu de Toli Morilla que tendrá llugar el próximu vienres 11 mayu nel Nuevu Teatru La Felguera a les 20:15 hores.