Llangres nel estudiu

L'añu pasáu falóse munchu d'esti grupu de la cuenca del Nalón. Les milenta actuaciones peles nueches celtes d'Asturies, una mini-xira per Italia y la so participación nel festival intercélticu de Lorient na edición del 2000, lleven a esti grupu a enfrentase cola so primer esperiencia discográfica en solitariu, depués de participar con dos cantares nel discu Xeneración Folk.La banda ta pa entrar nos estudios Groove de Les Regueres, y van siguir manteniendo esa filosofía de tocar munches composiciones propies con una clara influencia del estilu de folk qu'hai más pal norte. Pa consiguir esi soníu contarán cola collaboración de dellos músicos , ente los que tan Elías García, bouzouki de Llan de Cubel, que grabará en 4 ó 5 temes, o Xel Perda, tamién de Llan de Cubel, echará un gabitu pa la producción de les cuerdes. Esti cd, que saldrá col nome "Estura", nun va salir con nenguna discográfica, sedrán los propios miembros del grupu los que van encargase de distribuilo y vendelo. De xuro qu'aprovechen a vender el discu na xira que van entamar el 25 de mayu nel Cartagena Folk. Esti festival ta dientro de los "Circuitos de Música INJUVE 2002", qu'esti añu seleccionaron a Llangres pal circuitu, lo que va llevalos per diferentes ciudaes del estáu.