Llangres en Llondres y per internet

Llangres va actuar nun importante festival nel Isles
Britániques xunto con grupos d'Irlanda y de Bretaña, que podremos
escuchar al traviés d'internet.

Llangres presentaron esti veranu n'Asturies el so primer discu en
solitariu,
"Stura",
esti discu y el so direutu va ser la so carta de presentación nel
"Celtic Night" que se celebra na capital d'Inglaterra. El conciertu
sedrá'l 2 de payares nel
"Cecil Sharp
House"
, agospiu de la "English
Folk Dance and Song Society"
, qu'amás d'esti conciertu fai toa
una riestra d'actividaes a lo llargo l'añu.

El conciertu va emitise nuna pantalla xigante en Quimper
(Bretaña), nuna actividá que los organizadores llamen
"Cyber
Festnoz"
, una esperiencia que va dellos años que faen y
qu'afitóse nel circuitu musical bretón.. El conciertu
tamién va poder escuchase per internet
nesta web, l'añu

pasáu'l conciertu tuvo una audiencia total al traviés d'internet
de 65.000 espectadores, númberu que los organizadores esperen superar
esta a edición.

Los asturianos actuarán xunto a los bretones "PSG"
(Pellen, Siberil & Guichen) y "Kosmoz", los irlandeses
"GLC" y una banda de gaites escocesa, no que de xuro va ser una
nueche enforma emocionante pa "Llangres".

Contador Estadistiques