Llanes asómase a la pantalla del cine

Una estrena con protagonismu asturianu ye la novedá mas importante na
nuesa cartelera. La película
"El
orfanato", rodada nel nuesu país, concretamente nel Palaciu de
Partarríu nel conceyu de Llanes, llega a les pantalles dirixida por Juan
Antonio Bayona y con guión del asturianu Sergio G. Sánchez -autor
del cortu n'asturianu "7337"-, y interpretada por Belén Rueda
y Geraldine Chaplin. La película cuenta la historia d'una muyer que
vuelve cola so familia a visitar l'orfanatu onde paso la neñez.
Ehí'l so fiu entama a comportase de forma estraña, un fechu que
llevará a la protagonista a somorguiáse nun pasáu
dramáticu. "El orfanato" va representar a España nos
Oscar.

Otra de les estrenes ye la última comedia de los hermanos Farrelli
-autores de "Algo pasa con Mary" o "Amor ciego"- entitulada
"Matrimonio
compulsivo". Protagonizada por Ben Stiller, cuenta la historia d'un
solteru que a la fin topa lo que cree que ye la muyer de la so vida.
Sicasí, na nueche de bodes dase cuenta de la verdadera
personalidá de la so muyer. Mas estrenes y tolos horarios na
nuesa cartelera.