Llan de Cubel toca nel XV Festival Reinu de Llión

El certame celta internacional completa'l cartelu con The Tannahill Weavers y Luar na Lubre.

Asturies va tar representada nel XV Festival Celta Internacional Reinu de Llión, qu'entama l'ayuntamientu de la capital lleonesa dientro de les fiestes de San Froilán, por Llan de Cubel. La histórica banda folk va actuar esta nueche, a les 22 hores na Plaza Mayor, con accesu llibre.

Mañana va ser el turnu de los escoceses The Tannahill Weavers, mentes que'l sábadu va xubir al escenariu los gallegos Luar na Lubre. Les dos actuaciones van principiar tamién a les 22 hores.

L'oxetivu del Reinu de Llión ye "fomentar los nuesos raigaños d'orixe celta al traviés de la música amás de consolidase como una cita del panorama nacional y internacional", apunten dende la conceyalía d'Aición y Promoción Cultural.

Na imaxe superior, semeya d'una formación vieya de Llan de Cubel emplegada pola organización pa la promoción del conciertu.