Llamazares considera que l'Atención Primaria "ye secundaria" pal Executivu

|
Llamazares considera que l'Atención Primaria "ye secundaria" pal Executivu

Pal voceru d'Izquierda Xunida (IX) na Xunta Xeneral la entrega de la medaya de plata d'Asturies nun se correspuende cola prioridá que se-y ta dando dende'l Gobiernu.

"L'Atención Primaria Asturiana ta nuna situación secundaria, onde pierde puxu, sobre manera porque nun hai un proyeutu de cambiu nin una suficiente valoración presupuestaria y de personal", afirmó Gaspar Llamazares. Nesi sen, el grupu parllamentario d'IX solició al Executivu "que mande cuanto enantes l'informe qu'aprobó la Xunta Xeneral del Principáu en rellación al relanzamientu y refundación de l'Atención Primaria, relanzamientu qu'ha de ser dende'l punto de vista del so trabayu comunitariu, cercanu a la población, de l'atención a les enfermedaes más prevalentes y cróniques, y dende'l puntu de vista de xestión y presupuestariu".

"Too esto ta pendiente y too nun se soluciona con medayes. Les medayes son importantes, pero si van acompañaes de la prioridá pa l'Atención Primaria y de presupuestos pa ella”, añadió Llamazares. Sobre la redaición del informe qu'aprobó la Cámara'l 1 d'abril del 2016, apuntó que "nunca más se supo" y que les úniques midíes adoptaes o en marcha redúcense al continuismu o teunoloxía.

Contador Estadistiques