Llamazares amuesa’l so esmolecimientu poles consecuencies de la crisis socialista pa los gobiernos estatal y nacional

El voceru d’Izquierda Xunida (IX) na Xunta Xeneral, Gaspar Llamazares, cree que la crisis de Ferraz vien dada por un "choque" de lexitimidaes qu’evidencia una división interna total. Amuesa’l so esmolecimientu poles consecuncies que podría tener pa los gobiernos estatal y nacional.

“Preocúpanos la situación interna del Partíu Socialista, la conxura interna que se vivió. Nun somos partidarios de conxures palaciegues y la división consiguiente del PSOE nun momentu importante pa la izquierda", aseguró Llamazares, que puntualizó que “lo que más nos esmolez ye la salida. Si ye una salida pa permitir un Gobiernu de progresu y de rexeneración, al final produciráse una bona salida, pero si ye una salida pa permitir el continuismu del Gobierno del PP, d’un Gobiernu degradáu y d’un Gobierno agónicu, nun taremos d’alcuerdu y eso tendrá consecuencies dientro de la izquierda, y seguramente tendrá consecuencies tamién n’Asturias".

Nesi sen, recordó que’l Gobierno de Mariano Rajoy foi “el llátigu d’Asturies”, polo qu’un apoyu a la so continuidad en Moncloa "nun ye compatible con una mayoría de Gobiernu d’izquierdes nesta comunidad autónoma".

Fernández y el so llabor como presidente d'Asturies

Respeuto a la posibilidá de que Javier Fernández encabece una posible xestora al frente del PSOE, Llamazares señaló que se trata d’una decisión interna, pero reclamó la necesidá de que’l presidente del país recupere la iniciativa y el lideralgu, dalgo que, añadió, "danos la impresión de que s’esllió nos meses últimos, entovía más, col so papel de barón del PSOE. Tien que facer compatible la baronía cola presidencia del Principáu d’Asturies y cola recuperación del lideralgu que necesitamos pa que n’Asturies haya una mayoría estable d’izquierdes".