Lladrones y cine independiente nes carteleres de cine asturianes

La banda de Danny Ocean vuelve a les pantalles asturianes na so tercer
entrega, entitulada "Ocean's
13". La película vuelve dirixila Steven Soderbergh -director
ente otros de "Traffic" o "Solaris"- y ta protagonizada por
actores perconocíos como George Clooney, Brad Pitt, Matt Damon, Andy
Garcia o Al Pacino. Nesta ocasión la banda d'estafadores mas famosa del
cine vuelve xuntase pa realizar una venganza. El mentor del grupu ye
traicionáu pol dueñu d'un casinu que ta a puntu d'inaugurase. En
venganza, los protagonistes deciden estafalu preciamente'l día nel que'l
local abre les sos puertes.

Otra de les estrenes ye "Memorias de
Queens", pelicula premiada nel festival de cine independiente de
Sundance (meyor director pa Dito Montiel y el premiu especial del
xuráu), nel de Venecia (Premiu de la selmana de la crítica) y nel
de Xixón (al conxuntu de los sos actores). Protagonizada por Robert
Downey Jr., Shia LaBeouf y Chazz Palminteri, cuenta la hsitoria d'un escritor
d'éxitu que vuelve depués de quince años al so barriu de
Queens. Esta visita a les cais de la so mocedá y volver a topar a los
amigos de la neñez va trae-y munches alcordances. Mas estrenes nes
pantalles de cine asturianes na nuesa
cartelera.