L'iviernu vuelve a Asturies con fríu, xelu y nieve dende'l domingu

|
L'iviernu vuelve a Asturies con fríu, xelu y nieve dende'l domingu

El domingu día 14 va haber un cambéu sópitu nes condiciones meteorolóxiques - Pue nevar per baxo de los 500 metros y algamase temperatures de -10 graos zones altes.

Según la AEMT la posición relativa d'altes presiones nel Atlánticu y baxes presiones sobre Europa, va provocar la entrada sobre la Península de nortiada, muncho más frio.

Esti cambéu de masa d'aire va venir acompañada d'un notable enfriamientu ente'l domingu y el llunes y, consecuentemente, un descensu importante de la cota de nieve que'l domingu va asitiar ente 500 y 800 m, inclusive valores más baxos los díes siguientes.

Les nevaes van ser más intenses el domingu, el llunes y el martes, y van poder producise n'amplies zones pudiéndose superar n'Asturies los 50 cm d'espesura.

Les temperatures máximes a partir del llunes nun van superar los 5 graos en bona parte del país gran parte de la metá norte  con xelaes xeneralizaes y les temperatures mínimes podríen asitiase per debaxo de los -10 graos en zones altes.

El vientu va ser otru fenómenu a tener en cuenta nesta situación. Los valores más altos espérense'l domingu, día nel que van poder superase los 70 km/h.

La situación nevaes intenses probablemente va dir amenorgando dende'l miércoles, pudiéndose producir nuevos episodios a lo llargo d'una selmana na van persistir el frio intensu y les xelaes n'amplies zones.

Semeya Parque vieyu de La Felguera, CC

 

 

 

Contador Estadistiques