Lisboa salió a la cai pa disfrutar de les mazcaraes ibériques

Alredor de 70.000 persones, según la organización, disfrutaron del VIII Desfile de la Máscara Ibérica, actu central del FIMI de Lisboa. Los Sidros y La Comedia consiguieron arrancar les sonrises de lisboetes y visitantes.

La mazcarada de Valdesoto, representante asturianu nel desfile, tuvo acompañada de la Bandina Principado, que fixo baillar a los asistentes con cantares tradicionales asturianos y otros más modernos, como’l ‘Smoke on the water’ de Deep Purple. Tamién fixo usu d’un carretu ‘tuneáu’ colos colores de Ferrari cargáu de botelles de sidra col oxetivu de facer más llevaderu’l desfile y quitar el secañu al públicu. Pequeños detalles que nun pasaron desapercibíos pal públicu, al igual que los blincos de Los Sidros o los cortexos coles moces guapes presentes.

Xunto a los asturianos participaron nel desfile del Festival Internacional Máscara Ibérica, entamáu por Progestur, otres 28 mazcaraes de dellos puntos de la Península Ibérica y una de Bulgaria, de la zona de Pernik, hasta sumar unes 500 persones peles cais de Lisboa. Un eventu multitudinariu de repercusión grande na capital portuguesa, como amuesen les decenes de miles de persones que salieron a la cai pa disfrutar del coloríu y simpatía de les mazcaraez.

Semeya fecha por Iván G. Fernández.