Lisardo Lombardía, nuevu director del Intercélticu de Lorient

Lisardo Lombardía va ser dende'l 1 d'abril del 2007, el nuevu director del Festival Intercélticu de Lorient, eventu musical de primer orden nel mundu del folk y la música tradicional del arcu atlánticu que se celebra tolos branos nesta villa de Bretaña (Francia).

A los sos 51 años, Lisardo Lombardía, nacíu en Llaviana y médicu de carrera, ye más conocíu pol públicu so trabayu como periodista, promotor musical y responsable de la casa de discos "Fonoastur", amás de pol so llabor como etnógrafu al frente de la Fundación Cultural "Belenos".


Lombardía va sostituyir nel puestu a Jean-Pierre Pichard, que lleva 35 años sacando alantre esti festival nel qu'Asturies ingresó como una más de les naciones celtes nos años 80, precisamente gracies a la intervención del mesmu Lombardía, que foi a lo llargo d'estos más de venti años l'alma de la delegación asturiana en Lorient. Ente los primeros proyectos pal so nuevu puestu, Lombardía cuenta con proyectar el certame en Sudamérica y con facer del festival un eventu vivu a lo llargo del añu que vaiga más allá de los quince díes d'agostu en que monopoliza tola atención. El contratu de Lombardía va obligalu, como ye lóxico, a treslladase a vivir a Lorient, anque acutando plazos de descansu que-y permitan caltener el contactu con Asturies y vivir cola so familia.
Ver la noticia nos medios franceses