L'intercélticu d'Avilés va tener una delegación de la Islla de Man

El XI Festival Intercélticu d'Avilés y Comarca, que va celebrase del 20 al 29 de xunetu de 2007, calez motores dando anuncia de la presentación nesta edición 2007 del clásicu avilesín d'una delegación d'artistes de la Islla de Man.


La Islla de Man (Ellan Vannin nel idioma de la islla), allugase nel Mar d'Irlanda, asitiada ente Inglaterra, Escocia y Irlanda. Anque políticamente ye una dependencia de la Corona
Británica, en términos formales nun pertenez al Reinu Xuníu nin a la
Xunión Europea. Según se comenta na nota de presentación del festival avilesín, dase la circunstancia de qu'esti pequeñu país tien menos población qu'el mesmu Conceyu
d'Avilés, anque ello nun quita pa que "caltenga mui vives les sos
tradiciones d'orixen célticu".
Cola entrada d'esta nueva representación internacional, l'intercélticu avilesín da tamién un emburrión a la so candidatura como Fiesta d'Interés Turísticu.