L’Hostelcur Xixón va lluchar nel Palaciu pola so quinta Copa d'Europa

|
Palaciu de Deportes h.oquei patinos

Tres recuperase de la derrota na final de la Copa de la Reina la selmana pasada na OK Lliga de ḥoquei patinos femenina derrotando al so verdugu, el Voltregà por 2-4, resultáu que dexa casi sentenciada la lliga pa les xixoneses, L’Hostelcur busca la so quinta Copa d’Europa en casa. El rival en semifinales ye’l Benfica.

El partíu coles portugueses, que destaquen pola so resistencia física, va celebrase mañana a les 18.30 hores nel Palaciu de Deportes. La entrenadora María Fernández Grande 'Pulgui' cuenta con tola plantiya a la so disposición pa un partíu pal que s’espera una gran entrada nel recintu xixonés.

El preciu del ticket ye de 8 euros tanto pa presenciar la primer semifinal como la segunda, que va enfrentar al Voltregà y al Manlleu a les 20.30 hores, como la final del domingu a les 12.30 hores, mentes qu’esiste la posibilidá de facese sacar un abonu pa los dos díes por 10 euros de manera anticipada. Los menores de 12 años entren gratis, mentes qu’hasta los 20 años el preciu ye de 5 euros pa los trés partíos, el mesmu que pa los socios adultos del Hostelcur.

Contador Estadistiques