L'hermanu del español muertu en L’Ayún demostrará que lu asesinaron

Lehmad Hamday Buyema, hermanu del sah.arianu con DNI español muertu nel ataque a L’Ayún, aseguró a Europa Press que va poder demostrar "con testigos" que’l so hermanu "atropelláu dos veces" pola Policía marroquina coles mires de matalu.

Lehmad Hamday Buyema, hermanu del sah.arianu con DNI español muertu nel ataque a L’Ayún, aseguró a Europa Press que va poder demostrar "con testigos" que’l so hermanu "atropelláu dos veces" pola Policía marroquina coles mires de matalu.
Hamday Buyema reaccionó asina a les palabres pronunciaes el martes en Madrid pol ministru del Interior marroquín, qu'aseguró que l'hispanu-sah.arianu morrió por causa de "un accidente", que lu "garró un coche", que "naide abrió fueu contra él" y que'l fiscal xeneral d'El Aaiún abrió una investigación pa esclarar lo asocedío.
  
Al respecto, l'hermanu del muertu aseguró que nun se pue esperar "nada" de la fiscalía marroquina y que la so intención ye facer venir a España a "cuatro o cinco testigos" pa que declaren ante los fiscales españoles sobre les circunstancies de la muerte del so familiar nel marcu de los dos querelles abiertes ante l'Audiencia Nacional, la de la Lliga Española pro Derechos Humanos y la de l'Asociación de Familiares de Presos y Desapaecíos Saharagüis (Afapredesa).
  
"El ministru dixo que foi un accidente de trabayu, eso nun ye xustu", declaró a Europa Press. "El mio hermanu morrió atropelláu dos veces por un coche de la Policía, había munchos testigos que lo vieron", aseguró.
  
"Voi intentar trayer a cuatro o cinco testigos pa que declaren ante la fiscalía española", señaló. Coles mesmes, alvirtió, el Gobiernu español "tien que forzar al Estáu marroquín pa que se sepa la verdá que tapeció". "El mio hermanu nun ye l'únicu muertu, hai munchos más, pero nestos momentos nun hai naide que puea denuncialo", denunció.
  
Baby Hamday Buyema, de 35 años y nacíu en L’Ayún, taba empadronáu n'Alguaza (Murcia), dende onde se desplazó a la capital del Sáh.ara Occidental pa exercer como inxenieru eléctricu nuna empresa. Taba casáu, yera padre d'un neñu y una neña y tenía un hermanu n'Alicante.