Levante 2 - Sporting 1

El Sporting enseñó dos cares bien distintes esti domingu en Valencia, y acabó perdiendo tres d'una primer parte de llibru na qu'achuquinó al líder de la categoría. A la fín, l'estadiu valencianu foi otra vegada'l de la cigua pal Sporting, que va dos años vio como-y remontaben equí mesmo tres goles de diferiencia.

L'equipu de marcelino comió al de Preciado na primer parte. Xugando cola defensa adelantada y con muncha concentración, el Sporting marcó la diferiencia gracies a Ismael y Juan, que fizo la xugada pa que marcare Sastre'l gol qu'adelantaba a los asturianos. El Sporting nun marcó n'otres bones ocasiones que tuvo. La entrada de Sérvulo nel segundu tiempu revolucionó al Levante, y nel 61, depués d'afogar al Sporting, llegó'l gol del empate gracies a un rechace que-y llegó a Rivera. Poco depués, l'árbitrio pitaba una falta bien duldosa que Cuéllar convirtió nel gol del trunfu