L'Espaciu La Llegra asoleya una sudadera pa entamar la celebración de los sos 10 años de vida

Nel frente lleva'l nome y la frase '10 años #AbriendoEspaciu' y detrás el mural de la fachada del so llar obra de Damián Casal.

Nacíu n'Uviéu como "ferramienta de trabayu" dientro del Centru Social Okupáu Autoxestionáu La Madreña, d'ehí'l nome tan carauterísticu de La Llegra, esti espaciu va festexar el so décimu aniversariu nunos meses. Como adelantu de la celebración asoleya una sudadera con capucha cola que tamién xenerar recursos pa siguir cola so actividá nel llocal que xestiona dende'l 2015 n'El Postigu Baxu, llueu del desagospiu de la vieya sede de la Conseyería de Sanidá.

Charres, formaciones, alderiques, conciertos, pinchaes o cenadores vienen celebrándose nél nesti tiempu. Un espaciu abiertu tamién pa otros coleutivos que soliciten l'usu del mesmu.

Les persones interesaes en mercar la sudadera, na que rescampla'l lema 'Asturies, cultura de resistencia', y sofitar asina esta iniciativa tienen que pidila, yá que se van facer baxo encargu. El so costu ye de 30 euros y pue solicitala al traviés d'esti formulariu.