Les revistes 'Science' y 'Nature' ganen el Príncipe d'Asturies de Comunicación

Les revistes "Science" y "Nature" llograron ayeri' Premiu Príncipe d'Asturies de Comunicación y Humanidaes pol so llabor de más d'un sieglu d'espardimientu y sofitu a les grandes conquistes científiques de la Humanidá y por ser les canales de comunicación de más solvencia que tien anguaño la ciencia mundial, rescamplando pola calidá de la esbilla que faen d'artículos de ciencies estremaes y pol so rigor espositivu. La candidatura ganadora impúsose nes votaciones a la de l'axencia fotográfica Magnum y a la canal de televisión pública británica BBC. L'añu pasáu el premiu fuere pa otra revista internacional de gran prestixu, nesti casu venceyada a la xeografía y el conocimientu del mediu, la National Geographic.