Les radios yá emiten la cuña n'asturianu de la campaña 'Asturies, tas faciéndolo bien’

Esti martes el Gobiernu espublizó los vídeos n'asturianu y gallego-asturiano de la fase 2.

La cuña radiofónica de la campaña 'Asturies, tas faciéndolo bien’ yá ta sintiéndose nes radios comerciales del país. Hasta'l momentu, dende'l comienzu de la mesma'l día 16, namái se venía utilizando la castellana, estrenándose'l videu en lingua asturiana de la mesma –que sirve de base– na nueche del xueves.

Otra manera, esta mañana asoleyáronse les dos pieces audiovisuales n'asturianu y gallego-asturiano correspondientes a la fase 2 de la desescalada. Éstes entitúlense 'Asturies, volvisti facelo bien. Yá tamos en fase dos' y 'Asturias, volvíchelo fer ben. Xa tamos en fase dous', de manera respeutiva.